“Şahmar Mövsümov danışır, amma bir az xalqın içinə getmək lazımdır. Dəvət edirəm onu. Gəlsin partiyamızın yanındakı parka, yaxud elə mən gedərəm Aparatın yaxınlığındakı bağda bir yerdə gəzək. Xalqa yanaşaq, insanlardan soruşaq. Ağ adam, qara adamlara bölməyin insanları”.
Bizim.Media xəbər verir ki, bu sözləri Ağ Partiyanın sədri Tural Abbaslı canlı yayımların birində COVİD pasportu ilə bəzi qapalı məkanlara icazəni şərh edərkən bildirib.
MÖVZU İLƏ BAĞLI:
TƏBİB Tural Abbaslıya cavab verdi - “Ola bilər ki,...”
Partiya lideri bildirib ki, “Bayramova inanıb özünə vaksin vurdura bilən adam var? Mənim anam 70 yaşından yuxarıdır. Mən ona hazır deyiləm ki, anamın sağlamlığını, həyatını Ramin Bayramova həvalə edim”.
Partiya sədri sonda əlavə etdi ki, təsəvvür edin ki, oğlunuzun toyuna gedirsiniz və sizdən pasportu soruşurlar. Yəni, gülüncdür.
Bizim.Media
