Yardımlı Rayon Polis Şöbəsinin əməkdaşları tərəfindən narkotik vasitə və psixotrop maddələrin qanunsuz dövriyyəsinə qarşı növbəti əməliyyat keçirilib.
Daxili İşlər Nazirliyinin Mətbuat Xidmətinin Lənkəran regional qrupundan Bizim.Media-nın Cənub bürosuna verilən məlumata görə, əməliyyat zamanı 31 yaşlı Asəddin Feyziyev və əvvəllər məhkum olunmuş qohumu, 32 yaşlı Tural Kazımov saxlanılıb.
Araşdırma zamanı müəyyən edilib ki, saxlanılan şəxslər şəxsiyyəti araşdırılan İran vətəndaşından qaçaqmalçılıq yolu ilə əldə etdikləri ümumilikdə 10 kiloqram marixuana və metamfetamini maddi qazanc qarşılığında təyin olunmuş ünvana çatdırmağa razılaşıblar.
Faktla bağlı cinayət işi açılıb və hər iki şəxs barəsində məhkəmənin qərarı ilə həbs qətimkan tədbiri seçilib. Hazırda iş üzrə araşdırmalar davam etdirilir.
Sabutay, Bizim.Media, Cənub bürosu
