“Yasamalda yaşayan müəllim 3 avtobus dəyişib Pirşağıya işə gedir” – Fazil Mustafa

“Azərbaycanda orta məktəblərdə 150 mindən artıq müəllim işləyir. Bəzi müəllimlər yaşadığı yerdən çox uzaqda yerləşən məktəblərdə çalışırlar”.

Bizim.Media xəbər verir ki, bunu Milli Məclisin bu gün keçirilən plenar iclasında deputat Fazil Mustafa deyib.

O bildirib ki, müəllimlərin bu problemi dərsin keyfiyyətinə təsir edir:

“Yasamalda yaşayan müəllim 3 avtobus dəyişərək Pirşağıya işə gedir. Müəllimin də ailəsi, sosial problemləri var. Tələsə-tələsə, tıxaclarla işə və dərsə getməyə məcbur qalır. Biz bu problemi vaxtında həll edə bilməsək, dərsin keyfiyyətində elə bir dəyişiklik olmayacaq”.

Günay Şahmar, Bizim.Media