2023-cü ildə Azərbaycanda 1299 qadın cinayət törədib. Onlar əsasən oğurluq, dələduzluq və narkotik vasitələrin dövriyyəsi ilə bağlı cinayətlər törədiblər.
Bizim.Media Dövlət Statistika Komitəsinin məlumatlarına əsasən xəbər verir ki, 2023-cü ildə 240 nəfər qadın narkotik vasitələrlərin və psixotrop maddələrin qanunsuz dövriyyəsi ilə bağlı cinayətlər törədib.
Qadınların törətdiyi cinayətlər arasında ən çoxunu bu maddə təşkil edir və ötən illərə nisbətən bu maddə ilə cinayətə cəlb olunan qadınların sayı çoxalıb.
Belə ki, 2020-ci ildə 229, 2021-ci ildə isə 142 nəfər qadın narkotik maddələrin qanunsuz dövriyyəsi ilə bağlı cinayət törədib.
Qeyd edək ki, cinayət törətmiş qadınların 227-si dələduzluq, 132-si oğurluq, 40-ı xuliqanlıq, 13-ü qəsdən adam öldürmə ilə bağlıdır.
Nuray, Bizim.Media
