Bəzi kütləvi informasiya vasitələrində Azərbaycan Respublikası Qida Təhlükəsizliyi Agentliyi tərəfindən Xaçmaz Rayon Mərkəzi Xəstəxanasında və Siyəzən Müalicə diaqnostika Mərkəzində yoxlamalar aparılarkən kobud qanun pozuntularına yol verilməsinin müəyyən edilməsi ilə əlaqədar toplanmış materialların Azərbaycan Respublikası Baş Prokurorluğuna göndərilməsi barədə məlumatlar yayılıb.
Bizim.Media xəbər verir ki, bu barədə Baş Prokurorluqdan verilən məlumatda bildirilib.
Qeyd olunub ki, Xaçmaz RMX-da AQTA tərəfindən aparılmış yoxlamalar nəticəsində həmin xəstəxanada xəstələrə keyfiyyətsiz qida məhsullarının verilməsi, həmin qida məhsullarının çəkisinin şişirdilmiş şəkildə göstərilərək mənimsənilməsi və digər qanun pozunutuları aşkar edilib.
Baş Prokurorluq tərəfindən toplanmış materialların öyrənilməsi nəticəsində fakta görə Cinayət Məcəlləsinin 179.2.3 (şəxs tərəfindən öz qulluq mövqeyindən istifadə etməklə mənimsəmə və ya israf etmə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanaraq istintaqın aparılması üçün Xaçmaz rayon prokurorluğuna göndərilib.
Bundan başqa, AQTA tərəfindən Siyəzən Müalicə diaqnostika Mərkəzində yoxlamalar aparılarkən eyni qəbildən olan qanun pozuntularının aşkar edilməsi faktı ilə bağlı Siyəzən rayon prokurorluğunda hazırda araşdırma aparılır.
Nəticəsi barədə ictimaiyyətə ətraflı məlumatın verilməsi təmin ediləcək.
Bizim.Media
![Bu xəstəxanadakı qanun pozuntuları ilə bağlı cinayət işi açıldı Bu xəstəxanadakı qanun pozuntuları ilə bağlı cinayət işi açıldı](https://bizim.media/file/articles/2021/05/18/1621351821_bulaq.jpg)
- A-
- A
- A+
Cəmiyyət
19:27 / 18.05.2021
Bu xəstəxanadakı qanun pozuntuları ilə bağlı cinayət işi açıldı
Hazırda oxunan: Bu xəstəxanadakı qanun pozuntuları ilə bağlı cinayət işi açıldı
Hazırda oxunan: Bu xəstəxanadakı qanun pozuntuları ilə bağlı cinayət işi açıldı
21544
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.