Günümüzdə ali məktəblərlə, kolleclərlə yanaşı, peşə məktəblərinə üz tutan gənclər də az deyil. Belə ki, bu il peşə təhsil müəssisələrinə 244821 qəbul olunub.
Qeyd edək ki, hər il ekspertlər ali təhsil müəssisələri üzrə gələcəkdə də öz əhəmiyyətini qoruyub-saxlayacaq ixtisasları açıqlayırlar.
Bəs peşə təhsili istiqamətində uğurlu ixtisaslar hansılardır?
MÖVZU İLƏ BAĞLI:
Hər kəs ali təhsil almalıdır? - Misir Mərdanovdan AÇIQLAMA
Bizim.Media məsələ ilə bağlı təhsil eksperti Elçin Əfəndinin fikirlərini öyrənib. Ekspert gələcək üçün texnologiyayla bağlı ixtisasları daha uğurlu sayır.
“İnformasiya texnologiyaları, buna bağlı olan digər istiqamətlər gündən-günə inkişaf edir. Buna görə də istər ali təhsil, istərsə də orta təhsil ixtisaslarında əsasən kompüterlə bağlı, İT yönümlü ixtisaslar gələcək üçün uğurlu dəyərləndirilə bilər”.
Xalq arasında belə bir deyim də var ki, “uşağa əsas sənət öyrət”.
Buradakı “sənət” sözünə hansı peşələr aid edilə bilər?
Ekspert qeyd edib ki, peşə istiqamətində bərbərlik, avtomobil ustası, aşpazlıq kimi peşələrə gələcəkdə də tələbat olacaq:
“Tövsiyə edirəm ki, valideyn və şagirdlər bu ixtisasları seçsinlər. Bu daha məqsədəyğun olar. Çünki gələcəkdə iş imkanı, subbakalavrdan bakalavra keçid baxımından bu peşələr uyğundur”, - deyə müsahibimiz sonda bildirib.
Nəzrin Mirzəyeva, Bizim.Media
