Kürdəmirdə xəsarətlə nəticələnən ağır yol qəzası baş verib.
Bizim Media-nın Aran bürosu xəbər verir ki, hadisə Bakı - Qazax yolunun rayonun Xırdapay kəndindən keçən hissəsində qeydə alınıb.
Belə ki, KAMAZ markalı yük maşını Gəncə istiqamətində hərəkətdə olarkən yolun əks istiqamətində hərəkətdə olan "Mercedes" markalı minik maşını öz yolundan çıxaraq istiqamətini dəyişib və yük maşınına çırpılıb.
Nəticədə 6 nəfər - Mercedes-də olan sürücü və sərnişinlər ağır bədən xəsarətləri alaraq Kürdəmir rayon Mərkəzi Xəstəxanasına çatdırılıblar.
Hazırda fakt araşdırılır.
Bizim Media, Aran bürosu
