Tərtərdə faciəli şəkildə ölən 21 yaşlı Arzu Niftalıyeva Bakı Dövlət Universitetinin (BDU) IV kurs tələbəsi olub.
Bizim.Media xəbər verir ki, bu barədə sosial şəbəkədə məlumat yayılıb.
Bildirilib ki, mərhum Ekologiya və torpaqşünaslıq fakültəsinin "Torpaqşünaslıq və aqrokimya" ixtisası üzrə təhsil alırmış.
Qeyd edək ki, A.Niftalıyeva yaşadıqları binanın dördüncü mərtəbəsində paltar sərərkən müvazinətini itirərək hündürlükdən yıxılıb. O, Mingəçevir Şəhər Xəstəxanasına çatdırılsa da, həyatını xilas etmək mümkün olmayıb. Vəfat edən qız nişanlı imiş, yaxın aylarda toyu olacaqmış.
Hadisə ilə bağlı Tərtər Rayon Prokurorluğunda araşdırma aparılır.
Bizim.Media
