Ucarda da 27 sentyabr - Anım Günü böyük ehtiramla qeyd olunub.
Bizim.Media-nın Aran bürosu xəbər verir ki, səhər saatlarından başlayaraq rayon sakinləri Şəhidlər xiyabanını ziyarət edib.
Torpaqlarımızın suverenliyi uğrunda canından keçən şəhidlərimizin xatirəsi yad edilib. Tədbirdə rayon rəsmiləri, hüquq-mühafizə orqanı əməkdaşları, idarə, müəssisə, təşkilat nümayəndələri, şəhid ailələri, qazilər və rayon ictimaiyyətinin nümayəndələri iştirak ediblər.
Azərbaycanın ərazi bütövlüyü uğrunda canını fəda edən vətən oğullarımızın xatirəsi böyek ehtiramla yad edilib.
Eyni zamanda, rayonda saat 12:00-da Azərbaycanın ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların xatirəsi bir dəqiqəlik sükutla yad edilib.
Bizim.Media, Aran bürosu
