Fövqəladə Hallar Nazirliyinin (FHN) Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi Gədəbəy rayonunda təhlükəsizlik qaydaları pozulmuş maye qazdoldurma məntəqəsinin istismarını dayandırıb.
Bizim.Media xəbər verir ki, bu barədə nazirlikdən məlumat verilib.
Bildirilib ki, agentliyin əməkdaşları tərəfindən Gədəbəy rayonunun Düzyurd kəndində fəaliyyət göstərən, fərdi sahibkar Elnur Vahid oğlu İsgəndərova məxsus maye qazdoldurma məntəqəsində plan üzrə yoxlama aparılıb.
"Yoxlama zamanı məntəqədə insan həyatı və sağlamlığı üçün təhlükə yarada biləcək pozuntular aşkarlanıb. Belə ki, maye qazdoldurma məntəqəsində 1 ədəd tutumun istismar müddətinin bitdiyi, tam texniki müayinələrinin aparılmadığı, nəzarət-ölçü cihazları və qoruyucu qurğuların yoxlanılmadığı müəyyən edilib. Aşkar olunan pozuntuların dərhal aradan qaldırılmasının mümkün olmadığı, eləcə də insan həyatı və sağlamlığı üçün yaratdığı təhlükə nəzərə alınaraq, maye qazdoldurma məntəqəsinin istismarı Agentliyin əməkdaşları tərəfindən dayandırılıb və pozuntuların aradan qaldırılması üçün tərtib olunmuş aktın və Agentliyin qərarının surəti sahibkara təqdim edilib", - məlumatda qeyd olunub.
Bizim.Media
![Gədəbəydə qazdoldurma məntəqəsinin istismarı dayandırıldı - FOTO/VİDEO Gədəbəydə qazdoldurma məntəqəsinin istismarı dayandırıldı - FOTO/VİDEO](https://bizim.media/file/articles/2024/09/03/1725346313_photo_5382331588488060227_y.jpg)
- A-
- A
- A+
Cəmiyyət
10:50 / 03.09.2024
Gədəbəydə qazdoldurma məntəqəsinin istismarı dayandırıldı - FOTO/VİDEO
Hazırda oxunan: Gədəbəydə qazdoldurma məntəqəsinin istismarı dayandırıldı - FOTO/VİDEO
Hazırda oxunan: Gədəbəydə qazdoldurma məntəqəsinin istismarı dayandırıldı - FOTO/VİDEO
209739
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.