Sentyabrın 1-də keçiriləcək VII çağırış Milli Məclisə seçkilərdə 77 saylı Lənkəran şəhər seçki dairəsindən deputatlığa namizəd olan Fariz İsmayılzadə Lənkəran rayonunda seçicilərlə görüşlərinə davam edir.
Bizim.Media xəbər verir ki, deputatlığa namizəd bu dəfə I Qarabağ müharibəsində şəhid olmuş Milli Qəhrəmanlarımızın ailələri ilə görüşüb.
F.İsmayılzadə Lənkərandan olan şəhidlərimiz Bayramov Sultanağa Nəhmət oğlu, Əliyev Əsgər Ələkbər oğlu, Təhməzov Paşa Qurban oğlu və Əliyev Etibar Böyükağa oğlunun büstlərini ziyarət edib, onların xatirəsini yad edib.
Daha sonra o, Milli Qəhrəmanlarımızın ailələri ilə həmsöhbət olub, onlara seçki kampaniyası barədə məlumat verib.
Qeyd edək ki, Fariz İsmayılzadə 2000-2002-ci illərdə ABŞ-ın dünyaca tanınmış Vaşinqton Universitetində magistr təhsili alıb.
O, daha sonra 2013-2015-ci illərdə İspaniyanın Madrid şəhərində yerləşən Beynəlxalq Biznes Məktəbində Qlobal Menecment ixtisası üzrə magistr təhsilini alıb. Hollandiyanın nüfuzlu Maastrix Menecment Məktəbinin Beynəlxalq Biznes ixtisası üzrə doktorantıdır.
Azərbaycan Respublikası Prezidentinin 9 iyul 2019-cu il tarixli Sərəncamına əsasən Azərbaycan Respublikasının diplomatik xidmət orqanlarında səmərəli fəaliyyətinə görə, Fariz İsmayılzadə “Tərəqqi” medalı ilə, həmçinin 2019-cu ildə Azərbaycan Respublikası Xarici İşlər Nazirliyi tərəfindən Azərbaycan Respublikası diplomatik xidmət orqanlarının 100 illik yubiley medalı ilə təltif olunub.
O, 2016-ci ildə Azərbaycan Respublikası Prezidentinin Sərəncamına əsasən Dövlət İmtahan Mərkəzinin Direktorlar Şurasının üzvü təyin edilib.
Fariz İsmayılzadə son olaraq ADA Universitetinin dövlət, xarici və tələbə işləri üzrə prorektoru vəzifəsində çalışıb.
Bizim.Media
![Fariz İsmayılzadə Milli Qəhrəmanlarımızın ailələri ilə görüşdü - FOTO Fariz İsmayılzadə Milli Qəhrəmanlarımızın ailələri ilə görüşdü - FOTO](https://bizim.media/file/articles/2024/08/30/1725009953_1.jpg)
- A-
- A
- A+
Cəmiyyət
13:22 / 30.08.2024
Fariz İsmayılzadə Milli Qəhrəmanlarımızın ailələri ilə görüşdü - FOTO
Hazırda oxunan: Fariz İsmayılzadə Milli Qəhrəmanlarımızın ailələri ilə görüşdü - FOTO
Hazırda oxunan: Fariz İsmayılzadə Milli Qəhrəmanlarımızın ailələri ilə görüşdü - FOTO
209088
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.