Ağsu rayonunda 12 yaşayış məntəqəsini birləşdirən yolun tikintisi yekunlaşıb.
Bizim.Media xəbər verir ki, bu barədə Azərbaycan Avtomobil Yolları Dövlət Agentliyindən məlumat verilib.
Bildirilib ki, Ağsu rayonunda Ağsu–Kürdəmir–Bəhrəmtəpə avtomobil yolundan ayrılan Ərəbmehdibəy–Dədəli–Qasımbəyli–Xəlilli–Mustafalı–Göydəlləkli–Təklə–Dəlilər–Qaraqoyunlu–Kəndoba marşrutu üzrə avtomobil yollarının tikintisi ilə bağlı tədbirlər haqqında Azərbaycan Prezidentinin Sərəncamına uyğun olaraq, Agentlik tərəfindən 10 min nəfər əhalinin yaşadığı 12 yaşayış məntəqəsini birləşdirən yol infrastrukturu layihəsinin icrası artıq yekunlaşıb.
Uzunluğu 26,4 kilometr olan torpaq əsaslı sözügedən avtomobil yolları təbii faktorların təsirindən yararsız vəziyyətdə idi.
Bu səbəbdən əsaslı şəkildə yenidən qurulmasına və bərpasına ehtiyac yaranan yollar 4-cü texniki dərəcəyə uyğun olaraq təkmilləşdirilib. Yolların eni 10 metrə qədər genişləndirilib, bura 6 metr hərəkət hissə və 2 metr çiyinlər daxildir.
Görülən işlərə paralel olaraq, yolboyu suların ötürülməsi məqsədilə mövcud dəmir-beton boruların bərpası, zəruri olan yerlərdə isə müxtəlif diametrli yeni suötürücü boruların tikintisi işləri də icra olunub.
Son mərhələdə hərəkətin normal təşkili üçün yol nişanlarının, siqnal dirəklərinin və km göstəricilərinin, yolcizgi və yolgöstərici xətlərinin çəkilməsi işləri aparılıb.
Layihənin icrası Ağsu rayonunun Ərəbmehdibəy, Dədəli, Qasımbəyli, Xəlilli, Mustafalı, Göydəlləkli, Təklə, Dəlilər, Qaraqoyunlu və Kəndoba kəndlərinə gediş-gəlişin asanlaşmasına, marşrut boyu yaşayan əhalinin yetişdirdiyi kənd təsərrüfatı məhsullarının tez və xarab olmadan bazarlara çatdırılmasını təmin etməklə kənd təsərrüfatının inkişafına gətirib çıxaracaq.
Bizim.Media
![Ağsuda 12 kəndi birləşdirən yolun tikintisi yekunlaşdı – FOTO/VİDEO Ağsuda 12 kəndi birləşdirən yolun tikintisi yekunlaşdı – FOTO/VİDEO](https://bizim.media/file/articles/2024/08/27/1724760977_5364234009346958988.jpg)
- A-
- A
- A+
Cəmiyyət
17:28 / 27.08.2024
Ağsuda 12 kəndi birləşdirən yolun tikintisi yekunlaşdı – FOTO/VİDEO
Hazırda oxunan: Ağsuda 12 kəndi birləşdirən yolun tikintisi yekunlaşdı – FOTO/VİDEO
Hazırda oxunan: Ağsuda 12 kəndi birləşdirən yolun tikintisi yekunlaşdı – FOTO/VİDEO
208637
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.