Bakı metropoliteni “Qarabağ” Futbol Klubunun UEFA Çempionlar Liqası turnirinin pley-off mərhələsi çərçivəsində Tofiq Bəhramov adına Respublika stadionunda keçirəcəyi oyunla əlaqədar arenanın yaxınlığında yerləşən “Gənclik” stansiyasında dəyişdirilmiş iş rejimində çalışacaq.
Bizim.Media "Bakı Metropoliteni" QSC-yə istinadən xəbər verir ki, qurumun kütləvi tədbirlərlə əlaqədar əməliyyat planına uyğun olaraq, stansiya gücləndirilmiş rejimdə fəaliyyət göstərəcək. Saat 20:00-da başlanacaq matça tamaşaçı marağı, sərnişinlərin təhlükəsiz və rahat daşınması nəzərə alınaraq, əlavə tədbirlər də görüləcək.
“Gənclik” stansiyasında nəzarət mexanizmləri gücləndiriləcək və növbətçilik cədvəli tərtib olunacaq. Stansiyada sərnişinlərin yönləndirilməsi, səmti daha rahat müəyyən etməsi məqsədilə əlavə işçi qüvvəsi ayrılacaq.
“Nərimanov” və “28 May” stansiyalarında da ehtiyat tədbirlər nəzərdə tutulacaq.
Qatarlar gün ərzində yay qrafikinin iş günləri cədvəlinə uyğun hərəkət edəcək. Ehtiyac yaranarsa, ehtiyat qatarlar xəttə buraxılacaq.
Qatarların hərəkəti qarşılaşma başa çatandan sonra məhz “Gənclik” stansiyasının iş rejimi nəzərə alınmaqla xüsusi qaydada tənzimlənəcək.
Bizim.Media
![Metronun “Gənclik” stansiyasında iş rejimi GÜCLƏNDİRİLƏCƏK Metronun “Gənclik” stansiyasında iş rejimi GÜCLƏNDİRİLƏCƏK](https://bizim.media/file/articles/2024/08/27/1724756545_1676625144_1-2-kcur.jpg)
- A-
- A
- A+
Cəmiyyət
15:00 / 27.08.2024
Metronun “Gənclik” stansiyasında iş rejimi GÜCLƏNDİRİLƏCƏK
Hazırda oxunan: Metronun “Gənclik” stansiyasında iş rejimi GÜCLƏNDİRİLƏCƏK
Hazırda oxunan: Metronun “Gənclik” stansiyasında iş rejimi GÜCLƏNDİRİLƏCƏK
208624
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.