Sabirabadda 2 nəfərin ölümü ilə nəticələnən yol-nəqliyyat hadisəsini törətməkdə təqsirləndirilən Rauf Zeynalovun məhkəməsi başa çatıb.
Bizim.Media “qafqazinfo.az”a istinadən xəbər verir ki, Lənkəran Ağır Cinayətlər Məhkəməsində keçirilən prosesdə R.Zeynalov Cinayət Məcəlləsinin 263.3-cü (Yol hərəkəti və ya nəqliyyat vasitələrinin istismarı qaydalarını pozma iki və ya daha çox şəxsin ölümünə səbəb olduqda) maddəsi ilə təqsirli bilinib.
Qeyd edilib ki, 1978-ci il təvəllüdlü Rauf Zeynalov idarə etdiyi “Milli ÖN” şirkətinin inkassatoru olan “Ford Transit” markalı avtomobillə Sabirabad rayonu, Bala-Həşimxanlı kəndi ərazisində hərəkətdə olan zaman qarşısına çıxan velosipedi vurub.
Nəticədə velosipedi idarə edən 1972-ci il təvəllüdlü Əliyev Suliddin Lətif oğlu hadisə yerində ölüb. Oturacaqda əyləşən qızı 2011-ci il təvəllüdlü Əliyeva Zeynəb Suliddin qızı isə xəstəxanada dünyasını dəyişib.
Ekspertizaya təqdim edilmiş videoda sürücünün saatda 50 kilometr sürət təyin edilmiş yolda avtomobili 93 km/saatla idarə etməsi məlum olub.
Məhkəmədə S.Əliyevin həyat yoldaşı təqsirləndirilən sürücünü bağışladıqlarını, onun dəymiş zərəri ödədiyini bildirib.
Məhkəmə R.Zeynalovu Cinayət Məcəlləsinin 263.3-cü maddəsində nəzərdə tutulmuş cinayət əməlini törətməkdə təqsirli bilib. Ona 4 il sürücülük hüququndan məhrum edilməklə 5 il müddətə azadlıqdan məhrumetmə cəzası verilib. Cəzanın məntəqə tipli müəssisədə çəkilməsi qeyd edilib və sürücü barəsində başqa yerə getməmək haqqında iltizam tədbiri seçilib və azadlıqda qalıb.
Bizim.Media
![Ata və qızının ölümünə səbəb olan sürücünün cəzası BİLİNDİ Ata və qızının ölümünə səbəb olan sürücünün cəzası BİLİNDİ](https://bizim.media/file/articles/2024/08/22/1724308596_1724244026_mehkeme6-768x403.jpg)
- A-
- A
- A+
Cəmiyyət
10:34 / 22.08.2024
Ata və qızının ölümünə səbəb olan sürücünün cəzası BİLİNDİ
Hazırda oxunan: Ata və qızının ölümünə səbəb olan sürücünün cəzası BİLİNDİ
Hazırda oxunan: Ata və qızının ölümünə səbəb olan sürücünün cəzası BİLİNDİ
207806
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.