2001-ci ilin bu günüdə Prezident Heydər Əliyev Azərbaycanda hərbi təhsil sisteminin təkmilləşdirilməsi ilə bağlı Fərman imzalayıb. Fərmana əsasən, Silahlı Qüvvələr üçün kadr hazırlığının təkmilləşdirilməsi məqsədilə Müdafiə Nazirliyi sistemində fəaliyyət göstərən məktəblər Azərbaycan Ali Hərbi Məktəbi, Azərbaycan Hərbi Dənizçilik Məktəbi və Azərbaycan Ali Hərbi Təyyarəçilik Məktəbi adlandırılıb. 2004-cü ildən bu hərbi məktəblər Heydər Əliyevin adını daşıyır.
Bəs, avqustun 20-də dünyada daha hansı hadisələr baş verib?
1. 20 avqust 636-cı ildə Ərəb ordusu Xalid bin Vəlidin sərkərdəliyi ilə Yermuk döyüşündə Bizans ordusunu məğlub edərək Suriya və Fələstinə nəzarəti ələ keçirdi.
2. 20 avqust 1648-ci ildə Roma-Tevton imperiyasının Lens müharibəsində məğlub olması ilə otuz illik müharibəyə son qoyuldu.
3. 20 avqust 1866-cı ildə ABŞ prezidenti Endryu Conson ölkədə vətəndaş müharibəsinin başa çatdığını rəsmən elan etdi.
4. 20 avqust 1921-ci ildə Beynəlxalq Atletika Federasiyası yaradıldı. Əvvəlki bütün ən yaxşı qələbələr dünya rekordları kimi qeyd edildi.
5. 20 avqust 1940-cı ildə sosialist inqilabının liderlərindən olan Lev Trotski sürgündə yaşadığı Meksikada Stalinin xəfiyyəsi tərəfindən öldürüldü.
6. 20 avqust 1968-ci ildə Çexoslovakiya Sovet İttifaqı və Varşava Paktı ölkələri tərəfindən işğal edildi. Aleksandr Dubçek və digər Çex liderləri həbs edildi. Sovet tankları Praqa küçələrində xalqın müqaviməti ilə qarşılaşdı.
7. 20 avqust 1975-ci ildə NASA-nın “Viking 1” kosmik gəmisi Marsa yola düşdü. İki ildən sonra eyni gündə “Voyager 2” Yupiter, Saturn və Neptunu tədqiq etmək üçün kosmosa buraxıldı.
8. 20 avqust 1988-ci ildə 8 illik İran-İraq müharibəsi atəşkəslə başa çatdı.
9. 20 avqust 2008-ci ildə İspaniya Hava Yollarının sərnişin təyyarəsi Madriddən Kanar adalarına yola çıxarkən uçuş-enmə zolağında yandı, 153 nəfər həlak oldu.
10. 20 avqust 2016-cı ildə Qaziantepin mərkəzindəki toy mərasiminə terror hücumu təşkil edildi. Hücumda 50 nəfər həlak oldu, 94-ü yaralandı.
11. 20 avqust 2017-ci ildə məşhur Amerikan komediyaçısı Cerri Levis (Jerry Lewis) 91 yaşında Las Veqasdakı evində vəfat etdi.
Avqustun 20-də bu şəxsiyyətlər xatırlanır:
1. 20 avqust 1901-ci ildə məşhur xanəndə, Xalq artisti Xan Şuşinski (1901 – 18.3.1979) Şuşada doğulub. Muğamlarımızın bənzərsiz ifaçısı olmaqla yanaşı, “Şuşanın dağları”, “Məndən gen gəzmə”, “Ay gözəl” və s. mahnı və təsnifləri bəstələyib.
2. 20 avqust 1912-ci ildə görkəmli dirijor və bəstəkar, SSRİ Xalq artisti, Sosialist Əməyi Qəhrəmanı Niyazi (1912 – 2.8.1984) anadan olub. “Xosrov və Şirin” operası, “Çitra” baleti, “Zaqatala süitası”, “Rast” simfonik muğamının müəllifidir.
3. 1918-ci ilin bu günündə Azərbaycanın məşhur fiziki-alimi, Dövlət mükafatı laureatı, akademik Həsən Abdullayev anadan olub(1918-1993). O, 1970-1983-cü illərdə Azərbaycan SSR Elmlər Akademiyasının prezidenti olub.
4. 20 avqust 1926-cı ildə filosof, şair, tərcüməçi, Əməkdar elm xadimi, akademik Aslan Aslanov (1926 – 23.8.1995) Qazax rayonunda anadan olub. Dövlət İncəsənət Universitetinin rektoru olub, “Qızlar və bənövşələr”, “Nəğməli günlərim” və s. şeir kitablarının müəllifidir.
5. 20 avqust 1929-cu ildə Azərbaycanda diktorluq məktəbinin banilərindən biri, Əməkdar artist Aydın Qaradağlı (1929 – 28.1.1980) anadan olub. 1946-cı ildən Azərbaycan Radiosunda çalışıb.
6. 20 avqust 1932-ci ildə ədəbiyyatşünas, yazıçı İslam Ağayev (1932 – 27.1.2014) Bakının Bülbülə qəsəbəsində anadan olub.
Surxay Atakişiyev, Bizim.Media
![BİZİM TƏQVİM: 20 avqustda baş vermiş mühüm hadisələr BİZİM TƏQVİM: 20 avqustda baş vermiş mühüm hadisələr](https://bizim.media/file/articles/2024/08/19/1724072135_1.jpg)
- A-
- A
- A+
Cəmiyyət
08:00 / 20.08.2024
BİZİM TƏQVİM: 20 avqustda baş vermiş mühüm hadisələr
Hazırda oxunan: BİZİM TƏQVİM: 20 avqustda baş vermiş mühüm hadisələr
Hazırda oxunan: BİZİM TƏQVİM: 20 avqustda baş vermiş mühüm hadisələr
207390
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.