Xəbər verdiyimiz kimi, Xaçmazda qətl hadisəsi törədilib.
Bizim.Media xəbər verir ki, hadisə gecə saatlarında Xaçmazın Nabran İnzibati Ərazi Dairəsinə daxil olan Tel kəndində baş verib.
MÖVZU İLƏI BAĞLI:
Xaçmazda ata və oğul bıçaqlandı - ÖLƏN VAR
Bakı sakini Səhram Manafzadə şəxsi münasibətlər zəminində Köhnə Xudat kənd sakini Nurlan Məmmədrəhimovla dava edib. Nurlanın 15 yaşlı oğlu da həmin vaxt atasının maşınında olub.
Onlar mübahisə edərkən yeniyetmə atası ilə Səhramın dalaşdığını görəndə avtomobildən düşüb və onları ayırmaq istəyəndə Səhram onun ürək nahiyəsindən bir bıçaq zərbəsi endirib.
Məktəbli dərhal keçinib. Atası isə Səhram Manafzadənin endirdiyi bıçaq zərbələrindən xəsarət alıb. Məlumata görə, Bakı sakini, 34 yaşlı Səhram Manafzadə Tel kəndinə qaynatasıgilə gədibmiş. O, Nurlanı 2010-cu ildən tanıyırmış. Faktı Xaçmaz rayon prokurorluğu araşdırır.
Aytəkin Alxaslı, Bizim.Media, Şimal bürosu
