Bu ilin əvvəlindən Bakıda velosiped yollarının salınmasına başlanılıb. Artıq şəhərin bir sıra küçələrində velosiped zolaqlarına və yollarına rast gəlirik. İnsanlar daim ictimai nəqliyyatdakı sıxlıqdan, fərdi avtomobillə gedərkən tıxacdan gileylənirlər. Üstəlik taksi xidmətlərinin, ictimai nəqliyyatın bahalaşdığı bir dönəmdə velosiped yollarından istifadə tam yerinə düşərdi. Amma bu yollardan istifadə edənlər çox azdır.
Bəs insanları ekoloji cəhətdən təmiz, sağlamlığa xeyirli olan bu nəqliyyat növündən istifadəyə necə yönləndirmək olar?
Velosiped yollarının tıxaca təsiri
Nəqliyyat eksperti Yasin Mustafayev Bizim.Media-ya açıqlamasında bildirib ki, velosiped zolaqları Bakını müsbət cəhətdən dəyişəcək.
“Velosiped zolaqlarının məqsədi həm tıxacı azaltmaq, həm də insanları fərdi nəqliyyat növlərindən uzaqlaşdırıb, ictimai nəqliyyata, iki təkərli nəqliyyatlara yönəltməkdir. Qanunvericilikdə də yer alıb ki, iki təkərli nəqliyyatdan, yəni skutur, velosiped, motosikletdən istifadə etmək üçün zolaq olmalıdır. İnsanlar velosiped zolaqlarından mütəmadi olaraq istifadə etməyə yönəlsə, bu tıxaca da təsir edə bilər”.
Küləklər şəhəri Bakı və velosiped...
Bakı küləkli şəhərdir. Bəziləri belə olduqda velosiped sürməyin çətin olduğunu düşünür. Ekspert isə hesab edir ki, küləkli hava velosiped sürməyə mane olmur:
“Hava şəraitində ancaq yağış velosiped sürməyə çətinlik yarada bilər. Bakıda da yağış nadirən çox yağır. Avropa ölkələrində çox vaxt hava yağışlı olur. Amma onlar davamlı velosipeddən istifadə edirlər. Yəni bu velosiped sürməmək üçün bəhanə olmamalıdır. Düzdür, hazırda zolaqlar və velosipeddən istifadə edənlər azdır. Amma insanlar kütləvi şəkildə velodan istifadəyə keçsə, əlbəttə ki, zolaqların sayı çoxalacaq”.
Maarifləndirmə işləri
Ekspert insanları velosipeddən istifadəyə yönəltmək üçün çağırış edib:
“Bizdə velosiped zolaqları, yolları yaradılır. Amma insanların o yoldan istifadə etmələri üçün heç bir təşviqat işləri aparılmır. Düşünürəm ki, TƏBİB velosipedin gündəlik nəqliyyat ehtiyaclarını ödəmək üçün sağlam vasitə olduğunu hansısa video çarxlarla göstərsə, effektiv olardı. Velosipeddən istifadənin faydalı tərəflərini insanlara çatdırmaq lazımdır. Xarici ölkələrdə dövlət məmurları, nazirlər belə velosipedlə işə gedir. Bu cür örnəklər insanlarda maraq yaradır”.
Nuray, Bizim.Media
![Sağlamlığa faydalı olan velosipeddən istifadəni necə ARTIRAQ? – Maraqlı TƏKLİF Sağlamlığa faydalı olan velosipeddən istifadəni necə ARTIRAQ? – Maraqlı TƏKLİF](https://bizim.media/file/articles/2024/08/16/1723816396_1.jpg)
- A-
- A
- A+
Cəmiyyət
12:40 / 17.08.2024
Sağlamlığa faydalı olan velosipeddən istifadəni necə ARTIRAQ? – Maraqlı TƏKLİF
Hazırda oxunan: Sağlamlığa faydalı olan velosipeddən istifadəni necə ARTIRAQ? – Maraqlı TƏKLİF
Hazırda oxunan: Sağlamlığa faydalı olan velosipeddən istifadəni necə ARTIRAQ? – Maraqlı TƏKLİF
206981
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.