İşlədiyi evdən qızılları oğurlayan qadın tutuldu - FOTO

Ağcabədi rayonunda evdən qızıl oğurlamış qadın saxlanılıb.

Bizim.Media “qafqazinfo.az”a istinadən xəbər verir ki, Ağcabədi RPŞ-yə evlərdən birindən oğurluq edilməsi barədə müraciət daxil olub.

Keçirilən tədbirlərlə cinayətdə şübhəli bilinən həmin evdə işləyən rayon sakini T.Hüseynova saxlanılıb. Onun evdən 4000 manat dəyərində qızıl-zinət əşyalarını oğurladığı müəyyən olunub. T.Hüseynova qızılları dəyərindən ucuz qiymətə satdığını bildirib.

Faktla bağlı araşdırmalar davam etdirilir.



Bizim.Media