Polad Bülbüloğlu: “Şuşalılar məni deputat seçsələr, çox sevinərəm”

Parlament seçkilərinin keçirilməsi hər bir dövlətin, xalqın həyatında çox ciddi və məsuliyyətli hadisədir. 

Bizim.Media xəbər verir ki, bunu Azərbaycanın Rusiyadakı səfiri Polad Bülbüloğlu  “novoye-vremya.com” saytına müsahibəsində "Azərbaycan növbədənkənar parlament seçkilərinin keçirilməsinə fəal hazırlaşır. Siz Qarabağın ürəyi olan Şuşa şəhərini parlamentdə təmsil etmək üçün deputatlığa namizədliyinizi irəli sürməyi planlaşdırırsınızmı?" sualına cavab olaraq bildirib. 

O, üç dəfə “Xarıbülbül” festivalında iştirak etdiyini xatırladıb: 

"Əsasını qoyduğumuz festival ənənələrini davam etdirdiklərinə görə çox hörmətli cənab İlham Əliyevə, Mehriban xanım Əliyevaya, Heydər Əliyev Fonduna, Mədəniyyət Nazirliyinə təşəkkür edirəm. Təbii ki, Şuşanın bu gün doğma Azərbaycan torpağına qayıtması Ali Baş Komandanın xidmətidir. Biz hamımız canları bahasına doğma torpağın hər qarışını müdafiə edən əsgərlərimizə borcluyuq. Şuşalılar məni parlamentdə öz nümayəndəsi seçsələr, onların etimadını doğrultmaq üçün hər şeyi edəcəyəm. Şuşadan deputat olmaq böyük şərəfdir. 

Bütün bu 30 il ərzində mədəniyyətimizin beşiyi olan Şuşanı geri qaytaracağımızı xəyal edirdik və buna nail olduq. Bu gün bizim əsas vəzifəmiz Qarabağın inkişafı, çiçəklənməsi üçün hər şeyi etməkdir". 

Bizim.Media