Gecə saatlarında Oğuz rayonunun Xalxal kəndi ərazisində yol-nəqliyyat hadisəsi baş verib.
Bizim.Media-nın yerli bürosu xəbər verir ki, belə ki, Ağdaş rayon sakini, 23 yaşlı Məhəmməd Məmmədzadə idarə etdiyi minik avtomobili hərəkətdə olarkən idarəetmədən çıxaraq aşıb.
İlkin araşdırmalarla məlim olub ki, sərt döngədə sürət həddini gözləməyən sürücü nəticədə maşını idarə edə bilmədiyindən ağır qəzaya səbəb olub.
Nəticədə o, müxtəlif dərəcəli bədən xəsarətləri alıb. Təcili Tibbi Yardım briqadasının köməyi ilə 23 yaşlı Ağdaş sakini Oğuz Rayon Mərkəzi Xəstəxanasına yerləşdirilib. Xəstəxanada müayinə olunduqdan sonra müalicələrə başlanılıb. Vəziyyəti orta qiymətləndirilir.
Baş verən yol-nəqliyyat hadisəsi ilə bağlı Oğuz rayon Polis Şöbəsində araşdırma aparılır.
Tural Rasim oğlu, Bizim.Media, Şimal-Qərb bürosu
