"Dünyada baş verən iqlim dəyişiklikləri Azərbaycana da təsirsiz ötüşmür. Ötən il 160 min hektara yaxın sahə quraqlıqdan məhv olub. Suyun sistemli şəkildə idarə olunmasına nail olmalıyıq".
Bizim.Media xəbər verir ki, bu fikirləri Bakı Su Həftəsi Beynəlxalq Konfransının açılış mərasimində Azərbaycan Respublikasının kənd təsərrüfatı naziri Məcnun Məmmədov səsləndirib.
MÖVZU İLƏ BAĞLI:
Azərbaycanda 13 su anbarı inşa EDİLƏCƏK – Zaur Mikayılov
O bildirib ki, 5 maddədən ibarət baza prinsipi üzərində iş gedir:
"İlk olaraq mümkün olan hər yerdə su toplamalı, ehtiyat yaradılmalıdır. Su qapalı formada saxlanılmalıdır. Hər bir fermerə lazım olan suyun miqdarı bilinməlidir. Bütün bu işlərin planı hazırlanmalıdır.
Kənd Təsərrüfatında torpaqda münbitliyin qorunması üçün torpaqyönümlü maarifləndirmə işlərinin aparılmasını planlayırıq. Bu isə birbaşa daha sağlam məhsul istehsalına səbəb olacaq".
Məhərrəm Əliyev, Leyla Qəhrəmanova, Bizim.Media
