“Qobu Park-3” yaşayış kompleksinin yaxınlığında it dişləməsi səbəbi ilə yaralanan 9 yaşlı uşağın son vəziyyəti açıqlanıb.
Bu barədə Bizim.Media-ya Kliniki Tibbi Mərkəzdən məlumat verilib.
MÖVZU İLƏ BAĞLI:
Qobuda uşağı it parçaladı - VİDEO
Qeyd edilib ki, pasiyent bu gün reanimasiyadan palataya köçürülüb.
"Azyaşlının vəziyyətində müsbət dinamika müşahidə olunur. Hazırda müalicəsi palata şəraitində davam etdirilir", - deyə bildirilib.
Xatırladaq ki, bir müddət öncə sosial şəbəkələrdə “Qobu Park-3” yaşayış kompleksinin yaxınlığında azyaşlını itin parçalaması barədə görüntülər yayılıb. Zərərçəkən 9 yaşlı (kişi cinsli) azyaşlı Kliniki Tibbi Mərkəzə hospitalizasiya olunub.
Azyaşlıda çoxsaylı, müxtəlif ölçülü dişlənmiş, cırılmış, əzilmiş və soyulmuş yaralar müşahidə edilib.
Bizim.Media
