Göyçayda dəhşətli yol-nəqliyyat hadisəsi baş verib.
Bizim.Media-nın Aran bürosu xəbər verir ki, hadisə gecə saatlarında Göyçay-Ucar avtomobil yolunda qeydə alınıb.
KİA markalı avtomaşının sürücüsü həmin yolda hərəkətdə olarkən idarəetməni itirib. Nəticədə avtomobil yoldan çıxaraq su kanalına düşüb. Hadisə zamanı 3 nəfərin öldüyü, bir nəfərin isə ağır yaralandığı bildirilir.
Hadisə yerinə təcili tibbi yardım maşını və hüquq mühafizə orqanı əməkdaşları cəlb olunub. Bir nəfərin meyiyi sudan, digərlərinin isə avtomobildən çıxarılıb.
Hadisədə ağır yaralanan şəxs əvvəlcə Ucar rayon Mərkəzi Xəstəxanasına, daha sonra isə Göyçay rayon Mərkəzi Xəstəxanasına aparılıb. Hazırda faktla bağlı araşdırma aparılır.
Bizim.Media, Aran bürosu
