Məşhur fitnes məşqçi Kamil Zeynallı Moskvanın “Domodedovo” hava limanında saxlanılıb.
Bizim.Media xəbər verir ki, bu haqda Kamil sosial şəbəkə hesabında paylaşdığı videomüraciətdə deyib.
Zeynallı hava limanında saxlanılaraq müvafiq polis bölməsinə aparıldığını bildirib:
“Ermənistan məni beynəlxalq axtarışa veribmiş. May ayının 5-dən axtarılırmışam. Buna baxmayaraq, mən 3 dəfə Rusiyaya gəlib-getmişəm. İndi deyirlər, ya səni Ermənistana təhvil verəcəyik, ya da onlar gəlib aparacaqlar. Sabah məni məhkəməyə çıxaracaqlar. Ümid edirəm ki, dövlət qurumlarımız mənə dəstək olarlar, qoymazlar ki, məni onlara təhvil versinlər. İndi bölmədəyəm. Gözləyirəm. İnşallah yaxşı olar”.
Rəşad Əliyev, Bizim.Media
