Hüseynbala Mirələmovdan maraqlı AÇIQLAMA

Sabiq deputat Hüseynbala Mirələmov səsvermədə iştirak edib.

Bizim.Media xəbər verir ki, H.Mirələmov 23 saylı Nəsimi-Səbail seçki dairəsinin 9 saylı məntəqəsində səsvermə hüququndan istifadə edib.

O, saytımıza açıqlamasında bu fikirləri səsləndirib:

“Səhər tezdən televiziyada izlədim. Demək olar ki, Azərbaycanın hər yerində seçki məntəqələrində növbə idi. Böyük bir izdiham gördüm. Bu, o deməkdir ki, Azərbaycan vətəndaşları öz seçki hüquqlarını bilirlər anlayırlar ki, Azərbaycanın gələcək taleyi seçkilərdən asılıdır. Ona görə də canfəşanlıqla xalqımız səs verir. Bunu yüksək qiymətləndirirəm. İnanıram ki, Azərbaycan xalqı ən güclü liderə səs verəcək”.

Məhərrəm Əliyev, Bizim.Media