İtirilmiş enerjinin və sağlamlığın bərpası üçün kifayət qədər yuxu yatmaq lazımdır. Yuxu zamanı bədən "doldurulur" - hüceyrələr və toxumalar bərpa edilir, beyindən toksinlər çıxarılır və gün ərzində yığılan yorğunluq aradan qalxır. Amma bəzi adamlar gecələr normal yuxu yata bilmir.
Belə adamlara bəzən kontrastlı duş qəbul etməyi, yatağa girməzdən əvvəl idman eləməyi məsləhət görürlər. Bunlar yaxşıdır. Amma kifayət deyil. Ən əsası hər bir insanın hər gün kontrastlı duş qəbul etmək və idmanla məşğul olmaq imkanı yoxdur.
MÖVZU İLƏ BAĞLI:
Qida əlavələri fayda gətirir, yoxsa FƏLAKƏT? – Gizlədilən HƏQİQƏT
Bəs, onda yuxusuzluqla necə mübarizə aparmaq olar?
Bizim.Media dünyanın aparıcı şirkətlərindən olan “RBC Life”ın apardığı təcrübənin uğurlu nəticəsini təqdim edir. Araşdırmaların nəticəsinə görə, 5 içki yuxusuzluqla mübarizədə idealdır:
Qəhvə
Səhər bir fincan qəhvə yuxunu dağıtmaq üçün yaxşı və zərərsiz bir seçimdir. İçkinin tərkibindəki kofein yaxşı bir gecə yuxusunu əvəz etməsə də, lazım olduqda enerji artımını təmin edə bilər. Kofein içmək fiziki performansı yaxşılaşdıra bilər. ABŞ-dan olan yuxu sağlamlığı üzrə mütəxəssis, pediatr və tibb elmləri doktoru Nilong Vyasın qeyd etdiyi kimi, kofein qeyri-sabit şəraitdə yaşayan işçilərə: hərbi qulluqçulara və fövqəladə hallara müdaxilə edənlərə kömək edə biləcək ən yaxşı vasitədir.
Yaşıl çay
Qəhvə kimi, bu içki bir doza kofein ehtiva edir. Lakin bu bədən üçün daha yumşaq bir versiyada olur. Onun tərkibində həmçinin orqanizmin stressə qarşı müqavimətini və onun enerji ehtiyatlarını artıran və konsentrasiyanı saxlayan təbii amin turşusu - L var. Yaşıl çay antioksidant polifenollar və antiinflamatuar katexinlərlə zəngindir. Nəzərə alaq ki, yuxusuzluq orqanizmdə oksidləşmə və iltihabı artırır.
Çuğundur suyu
Çuğundur suyu əla enerji mənbəyidir. Çünki tərkibində onun əmələ gəlməsi və saxlanması üçün zəruri olan dəmir və kalium var. Bu tərəvəzin şirəsini içmək fiziki dözümlülüyü artırmağa kömək edir ki, bu da yorğun hiss etdiyiniz zaman sizə lazım olan enerjini verir.
Su
Gün ərzində çoxlu adi su için. Su enerjini bədəndə saxlamağa kömək edən ən yaxşı içkidir. Hər 30 dəqiqədən bir azacıq su içmək təkcə süstlükdən qurtulmağınıza kömək etməyəcək, həm də gərgin iş günü ərzində bədəninizin düzgün işləməsinə kömək edəcək.
Meyvə və tərəvəzdən hazırlanmış kokteyl (şəkərsiz)
Meyvə və tərəvəzlər özündə itirilmiş enerji dozasını bərpa etmək üçün lazımi miqdarda karbohidrat, vitamin və mineralları ehtiva edir. Onlardan hazırlanmış içki uzun müddət şən və enerjili qalmağınıza kömək edəcək.
Surxay Atakişiyev, Bizim.Media
