Hacıbala Abutalıbovun oğlu İstanbulda tarixi binaya qanunsuz müdaxilə edib - FOTO 

Bakı Şəhər İcra Hakimiyyətinin sabiq başçısı Hacıbala Abutalıbovun oğlu İsrafil Abutalıbov İstanbulda tarixi binaya qanunsuz müdaxilə edib. 

Bizim.Media xəbər verir ki, bu barədə Türkiyənin "Bir gün" qəzeti məlumat yayıb. 

Nəşr iddia edib ki, vətəndaşlıq aldıqdan sonra Türkiyədə otellər alaraq tikinti fəaliyyətinə başlayan İsrafil Abutalıbov İstanbulun Fatih səmtində də bir çox mülklər alıb. 

2017-ci ildə Küçükayasofya məhəlləsində qorunan ərazidə yerləşən və biri qismən Vəqf mülkiyyəti olan iki sənədli bina alan Abutalıbovun bərpa işləri çərçivəsində binalara qanunsuz tikili əlavə etdiyi iddia edilib. 
Sakinlərin şikayəti əsasında bina möhürlənsə də, tikinti davam edir. İstanbul Böyükşəhər Bələdiyyəsinə, Fatih Bələdiyyəsinə, Ekologiya və Şəhərsalma Nazirliyinə və Vəqflər Ümumi Müdirliyinə edilən şikayətlərdən sonra binada lazımi yoxlamalar aparılıb və qanunsuz əlavələrin olduğu müəyyən edilib. Lakin heç bir söküntü aparılmayıb. Prokurorluğa edilən müraciət isə nəticəsiz qalıb. 






Bizim.Media