Bu gün şimal bölgəsində müşahidə edilən güclü külək Xızıda da ziyanla müşayiət olunub.
Bizim.Media-nın yerli sakinlərdən əldə etdiyi məlumata görə, küləyin sürəti nəticəsində 10 min kilovoltluq elektrik naqili Xızı polis şöbəsində yerləşən cərimə meydançasındakı 2 avtomobilin üzərinə düşüb və maşınlar zərər çəkib.
Xızı rayon İH başçısının müavini, rayon FHK sədri Arzu Əzizov faktı təsdiqləyib.
Onun sözlərinə görə, dərhal hadisə yerinə gələn yanğınsöndürənlər tərəfindən yanan avtomaşınların söndürülməsinə başlanılıb.
Güclü külək eyni zamanda Xızı şəhərində Şəhidlər Xiyabanındakı bəzi daşların uçmasına səbəb olub.
Aytəkin Alxaslı, Bizim.Media, Şimal bürosu
