Canana: “Kərimi başqa qadına vermişəm ki, ona qulluq etsin” – VİDEO 

“İndi mənim 44 yaşım var. 2008-ci ildə 29 yaşımda toyum olub. 8 il nişanlı qalmışam. Nişanımın birinci ilində barmağıma taxılan nişan üzüyümü geri qaytarmışdım. Lakin bu hadisələrlə bağlı keçmiş həyat yoldaşım Kərim məndən əl çəkmədi deyə, nişan məsələsi əlavə 7 il də uzandı”. 

Bizim.Media xəbər verir ki, bu sözləri Əməkdar artist Mətanə İsgəndərlinin keçmiş gəlini Canana (Aynur Vaqifqızı) sosial şəbəkə hesabında açdığı canlı yayım zamanı deyib. 

Keçmiş həyat yoldaşı Kərimlə münasibətlərindən danışan Canana bildirib ki, əri iki arvadının olmasını istədiyi üçün özü buna şərait yaradıb:  

“Kərimdən xoşum gəlib deyə ondan üç uşaq dünyaya gətirmişəm. Bunu niyə problem edirlər ki? Kərim belə kişidir də... Kərimi başqa qadına mən vermişəm. Onun ürəyi istəyirdi ki, iki arvadı olsun. Məndə özüm buna şərait yaratdım. Dedim ki, get sənə həmin qadın qulluq etsin. Mən kişiyə qulluq etməyi xoşlamıram”. 

Canana söyləyib ki, keçmiş həyat yoldaşı Kərim onu hələ də sevir, eyni zamanda nifrət edir: 

“Mən Kərimə “Kərim” deyə müraciət edəndə o mənə hirslənirdi. Ona görə ona “Kera” deyə, müraciət edirdim. O zamanlar biz birlikdə olanda oturub saatlarla uşaq kimi “Ferma” oyununu oynayırdıq. Komputerin qabağından durmurduq. Kərim “TikTok” işlətmir. Mən Kərimdən 7 yaş yox, 5 yaş böyüyəm. O qədər bizdən danışacaqsınız ki, axırda Kərimlə mən olacayıq “Leyli və Məcnun”. 

Xəbəriniz olsun ki, Kərim məni indi də sevir. Sevir və mənə nifrət edir. Sevgi və nifrət bir yerdə olanda nə olur? Kərimin əlacı olsa məni boğub, öldürər (gülür). Deyir ki, “sən mənə zəng edib səsimi eşidəndə, özümü pis hiss edirəm”. Cavab verirəm ki, “o zaman yaxşı, at məni qara siyahıya”. Gördüm ki, Kərim çox “o yan-bu yan” edir, buna görə də ona azadlıq verdim. Dedim ki, get sənə yaxşı yol! ” 

Mətanətin keçmiş gəlini Kərimin ikinci dəfə evlənməzdən əvvəl münasibətdə olduğu başqa bir xanımla aralarında olan söhbəti izləyiciləri ilə bölüşüb: 

“Kərim ikinci dəfə ailə qurmamışdan öncə bir qızla münasibətdə idi. Bundan əvvəl həmin qızın görüntülərini sosial şəbəkə hesabımda paylaşmışdım. Xəbər çıxdı ki, Kərim həmin qızla ailə quracaq. Amma o qızla deyil, başqası ilə evləndi. Bir müddətdən sonra həmin qız mənə yazdı ki, “Kərim mənə söz verdi ki, səninlə ailə quracağam amma başqa qızla evləndi”. Mənə sual verib deyir ki, “olar ki sənin bacın olum, bir yerdə yaşayaq, yeməyini bişirərəm”. Cavab verdim ki, ehtiyac yoxdur. Allah məsləhət bilsəydi, özümə bacı verərdi. Səndən mənə bacı olmaz”. 

Qeyd edək ki, M.İsgəndərlinin oğlu Kərim və Canana 2021-ci ilin oktyabr ayında rəsmi olaraq boşanıblar. Onların üç övladı isə anadan alınaraq, ataya verilmişdi. Canana daha sonra Apellyasiya Məhkəməsinə müraciət edərək övladlarının qəyyumluğunu ataları Kərimdən alıb.

Uşaqlar hazırda M.İsgəndərli ilə birlikdə yaşayır. Kərim isə ikinci dəfə ailə qurub və bir övladı var.