“WhatsApp” mesenceri qrup çatlarında istifadəçilərə mesajları çatın yuxarı hissəsinə yapışdırmağa (sancaqlamağa) imkan verəcək yeni funksiya təqdim edib.
Bizim.Media xəbər verir ki, bu barədə “WABetaInfo” portalı məlumat yayıb.
Mesajlar 24 saat, 7 və 30 gün müddətləri ərzində sancaqlanacaq.
Seçilmiş müddət bitdikdən sonra mesaj özü yuxarı hissədən ayrılacaq. Bundan əlavə, istifadəçilər istənilən vaxt mesajı ləğv etmək imkanı əldə edəcəklər.
Yeni funksiya artıq ən son “WhatsApp” yeniləməsi ilə işləyən iOS cihazlarının istifadəçiləri üçün əlçatandır. Mütəxəssislər qeyd ediblər ki, yeni funksiyanı əldə etməyən bəzi hesablar yaxın həftələrdə ona giriş əldə edəcək.
Bizim.Media
