Qarabağa köçənlərə pay torpaqları necə VERİLƏCƏK? – Nazirdən AÇIQLAMA - VİDEO

“Azad olunmuş ərazilərdə toplam potensial əkin sahəsi 160 min hektara yaxındır. Nə qədərinin əkin üçün istifadəsini zaman göstərəcək. Çünki əvvəlcə iqlimi və torpağı öyrənməliyik”.

Bizim.Media xəbər verir ki, bu sözləri Kənd Təsərrüfatı naziri Məcnun Məmmədov jurnalistlərə açıqlamasında qeyd edib. Onun sözlərinə görə işğaldan azad olunmuş ərazilərdə əkin və torpaq islahatlarının həyata keçirilməsinin hazırda yekun mərhələsidir:

“Torpaq islahatlarının yekun qərarından sonra tədbirlər ona müvafiq olaraq həyata keçiriləcək. Hazırda müəyyən əkinlər həyata keçirilib. Təssüf ki, son bir neçə ildə dəmiyə əkinləri öz müsbət nəticələrini verməyib”. 

İşğaldan azad olunmuş ərazilərdə vətəndaşlara pay torpaqlarının nə vaxt verilməsi məsələsinə gəlincə nazir əlavə edib ki, bu, torpaq islahatları ilə bağlı qərar verildikdən sonra məlum olacaq.