“Zaqatala Rayon Mərkəzi Xəstəxanası” PHŞ-də baş verən qanunsuzluqlar barədə daxil olmuş vətəndaş müraciəti əsasında rayon prokurorluğunda araşdırma aparılıb.
Baş Prokurorluğun mətbuat xidmətindən Bizim.Media-ya verilən məlumata görə, araşdırma zamanı qeyd olunan tibb müəssisəsinin 2021-ci il 1 iyun tarixdən 2023-cü il 1 iyun tarixədək maliyyə-təsərrüfat fəaliyyəti yoxlanılarkən Publik Hüquqi Şəxsin vəzifəli şəxs(lər)i tərəfindən əsassız olaraq əmək haqqı ödənilməsi və digər yollarla xeyli miqdarda dövlət əmlakının mənimsənilməsi və israf edilməsinə əsaslı şübhələr müəyyən edilib.
Faktla bağlı rayon prokurorluğunda Cinayət Məcəlləsinin 179.2.3 və 179.2.4-cü (qulluq mövqeyindən istifadə edilməklə və xeyli miqdarda ziyan vurmaqla mənimsəmə və israf etmə) maddələrilə cinayət işi başlanaraq ibtidai istintaq aparılır.
Bizim.Media
- A-
- A
- A+
Cəmiyyət
18:09 / 08.12.2023
Zaqatala xəstəxanasında mənimsəmə faktı AŞKARLANIB
Hazırda oxunan: Zaqatala xəstəxanasında mənimsəmə faktı AŞKARLANIB
Hazırda oxunan: Zaqatala xəstəxanasında mənimsəmə faktı AŞKARLANIB
168118
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
