Gəncədə 3 avtomobil yanıb.
Bizim.Media-nın yerli bürosunun məlumatına görə, hadisə şəhərin Əbülülə Gəncəvi küçəsində baş verib. Həmin ünvanda yerləşən avtomobillər üçün dayanacaqda yanğın olub.
Yanğın zamanı orada olan iki "VAZ" markalı minik avtomobili və bir "KamAZ" yük avtomobili alışıb.
Dərhal hadisə yerinə FHN-in Gəncə şəhər Yanğından Mühafizə Hissəsinin yanğınsöndürən maşınları və canlı qüvvəsi cəlb olunub. Yanğın söndürülüb. Dayanacağın digər hissələri yanğından mühafizə olunub.
Faktla bağlı araşdırma başlanılıb və yanğının baş vermə səbəbləri müəyyən olunacaq.
Məqsəd Rəhimov, Bizim.Media, Qərb Bürosu
