Kürdəmirdə qadın sürücü qəza törədib.
Bizim.Media-nın Aran bürosu xəbər verir ki, hadisə rayonun Muğanlı kəndindən keçən hissəsində qeydə alınıb.
Belə ki, “Mercedes” markalı avtomaşının sürücüsü Mingəçevir şəhər sakini 37 yaşlı Nəbiyeva Jalə Rəşadət qızı Qazax istiqamətində hərəkətdə olarkən avtomobilə idarəetməni itirib. Nəticədə avtomobil yoldan çıxaraq aşıb.
Qəza zamanı sürücü Jalə Nəbiyeva və onun sərnişini, həmyerlisi 34 yaşlı Həsənova Ramilə Xaliq qızı müxtəlif dərəcəli ağır bədən xəsarətləri alıblar.
Yaralılar dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb. Hazırda fakt araşdırılır.
Bizim.Media
