Ötən ilin payızında baş vermiş İkinci Qarabağ müharibəsində Gəncəyə atılan sonuncu raket zərbəsində ata-anasını, balaca bacısını itirən, 3 gün gözünü açmayan Xədicənin indi başqa dünyası var.
2020 -ci ilin sentyabrında Ermənistanla Azərbaycan arasında başlamış və 44 gün davam etmiş müharibə zamanı Azərbaycanın ikinci böyük şəhəri bir neçə dəfə erməni hərbçilərinin raket zərbələrinə tuş gəlmişdi.
Balaca Xədicənin valideynləri Züleyxa və Royal Şahnəzərovlar və bacısı Mədinə oktyabrın 17-də gecə vaxtı edilən hücum zamanı dağıntılar altında qalaraq həlak olmuşdu.
Nənəsi Sevinc Ağayeva deyir ki, psixoloqlar onlara Xədicəyə ata-anasının həlak olması ilə bağlı tədricən danışmağı məsləhət görüblər, həqiqəti o bir az böyüyəndən sonra söyləcəklər.
Ona görə valideynlərinin də şəkillərini hələlik göstərmirlər. (BBC News Azərbaycan)
Bizim.Media
