“Yeni Əhmədbəyli-Füzuli-Şuşa avtomobil yolunun tikintisinin 2024-cü ilin ikinci yarısında yekunlaşması planlaşdırılır. Artıq layihənin böyük bir hissəsi həyata keçirilib”.
Bizim.Media xəbər verir ki, bunu Əhmədbəyli-Füzuli—Şuşa avtomobil yolunun tikintisi layihəsinin ətraf mühitə təsirlərinin qiymətləndirilməsi üzrə ictimai dinləmədə ekoloji layihə sənədini hazırlayan “Geoexbert Consulting” MMC-nin direktor müavini Azad Məcidov deyib.
O, qeyd edib ki, yolun ümumi uzunluğu 81,7 kilometrdir.
“Sözügedən yol Zəfər yoluna paraleldir. Bu yolun çəkilməsində əsas məqsəd Zəfər yolunda mövcud olan kəskin döngələrin böyük maşınlar və ağır texnikanın hərəkəti üçün təhlükəli olmasıdır. Yeni çəkilən yolda həmin həssas yerlər daha rahat formaya salınıb və 10 körpü salınıb.
Yolun hərəkət şiddəti nəzərə alınaraq, onun 48-ci kilometrə qədər olan hissəsi 4 zolaqlı, Şuşa şəhərinə qədər olan hissəsi isə 6 zolaqlı hesablanıb. Yolun çəkilməsində minalanmış ərazilər böyük problemlər yaradaraq prosesi bir qədər yubadıb. Yolda ümumi olaraq 35 keçid var və bu keçidlər heyvanların istifadəsi üçün də nəzərdə tutulub. Eyni zamanda, su axıntısı üçün suötürücü qurğular quraşdırılıb”, - deyə mütəxəssis bildirib.
Bizim.Media
- A-
- A
- A+
Cəmiyyət
16:15 / 24.10.2023
Yeni Füzuli-Şuşa avtomobil yolu 2024-cü ilin ikinci yarısında YEKUNLAŞACAQ
Hazırda oxunan: Yeni Füzuli-Şuşa avtomobil yolu 2024-cü ilin ikinci yarısında YEKUNLAŞACAQ
Hazırda oxunan: Yeni Füzuli-Şuşa avtomobil yolu 2024-cü ilin ikinci yarısında YEKUNLAŞACAQ
161315
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
