BİZİM TƏQVİM: 11 oktyabrda baş vermiş tarixi hadisələr

2020-ci ilin bu günündə Azərbaycan Ordusu tərəfindən cəbhənin müxtəlif istiqamətlərində düşmənin xeyli sayda canlı qüvvəsi, eləcə də 5 ədəd T-72 tankı, 6 ədəd D-20 və D-30 haubitsası, sursatla dolu 5 yük maşını, 11 ədəd digər avtomobil texnikası, 3 ədəd BM-21 “Qrad” yaylım atəşli reaktiv sistemi, 5 ədəd 2S1 “Qvozdika” özüyeriyən haubitsası, 8 ədəd hava hücumundan müdafiə sistemi və radiolokasiya stansiyası sıradan çıxarılıb. 

Eləcə də, həmin gün  Gəncə və Mingəçevir düşmən tərəfindən raket atəşinə tutulub. Nəticədə 17 nəfər dinc sakin həyatını itirib.

Bəs, oktyabrın 11-də dünyada daha hansı hadisələr baş verib?

1. 11 oktyabr 1899-cu ildə Cənubi Afrikanın Transvaal və Orange bölgələrində yerləşən və “Boer” adlanan Hollandiya əsilli əkinçilərlə ingilis müstəmləkə idarəsi arasında 1-ci Boer müharibəsi baş verdi.

2. 11 oktaybr 1922-ci ildə Türkiyə Böyük Millət Məclisi (TBMM) hökuməti ilə Antanta dövlətləri arasında Anadoludakı Qurtuluş müharibəsini başa çatdıran Mudanya sülh müqaviləsi imzalandı.

3. 11 oktyabr 1948-ci ildə BMT-nin təhsil, elm, mədəniyət, informasiya və kommunikasiya təşkilatı UNESCO quruldu.

4. 11 oktyabr 1961-ci ildə Semipalatinsk poliqonunda dünyada ilk dəfə yeraltı nüvə sınağı keçirilib.

5. 11 oktyabr 1968-ci ildə NASA ilk insanlı kosmos uçuşunda içərisində Veyli Skira, Don Fulton Aysele və R. Valter Çuninhamın olduğu “Apolol 7”-ni kosmosa forlatdı. NASA tez-tez “Apollo 7”-dən canlı yayım apardı. “Veyli, Valt və Don nümayişi” olaraq adlandırılan bu yayım o qədər izlənildi ki, o ilin “Emmy mükafatları”ndan birini qazandı.

6. 11 oktyabr 1980-ci ildə Əlcəzairdəki zəlzələ nəticəsində 2 min adam həlak oldu.

7. 11 oktyabr 1997-ci ildə Azərbaycan Avropa Mədəniyyət Konvensiyasına qoşulub.

8. 1998-ci ilin bu günündə Azərbaycanda növbəti prezident seçkiləri keçirilib. Dövlət başçısı Heydər Əliyev xalqın yüksək fəallığı şəraitində keçən seçkilərdə səslərin 76,1 faizini toplayaraq, yenidən Azərbaycan Prezidenti seçilib.

9. 11 oktyabr 1998-ci ildə Konqoda bir sərnişin təyyarəsi üsyançılar tərəfindən düşürüldü; 40 nəfər öldü.

10. Oktyabrın 11-də qeyd olunan Beynəlxalq Qızlar Günü BMT tərəfindən 2012-ci ildə elan edilib. Bayramın məqsədi diqqəti dünyada qızların zərif cinsin nümayəndələri olması ilə bağlı onların bilavasitə üzləşdikləri sosial problemlərə və qeyri-bərabərlik hallarına cəlb etməkdir. 

Oktyabrın 11-də bu şəxsiyyətlər xatırlanır:

1. 11 oktyabr 1983-cü ildə Xalq yazıçısı Süleyman Rəhimov (10.12.1900 - 1983) vəfat edib. "Şamo", "Saçlı", “Ağbulaq dağlarında”, “Mahtaban”, "Mehman", "Medalyon", "Qafqaz qartalı" və s. əsərlərin müəllifidir. 

2. 11 oktyabr 1942-ci ildə Hind aktyoru Amitabh Baççan (Amitabh Bachchan) anadan olub. Məşhur filmləri: “Qisas və qanun”, “Gecikmiş intiqam”, “Andlar və vədlər”, “Üç qardaş”, “Taleyin hakimi” və s.

3. 12 oktyabr 1945-ci ildə ilahiyyatçı alim, din xadimi Hacı Sabir Hüseyn oğlu Həsənli anadan olub.

4. 1963-cü ilin bu günündə “Parisin bala sərçəsi” (1915-1963) adlandırılan məşhur fransız müğənnisi Edit Piaf vəfat edib.

5. Azərbaycan mayoru, Milli Qəhrəman Zakir Yusifov 11 oktyabr 1992-ci ildə şəhid olub. 

6. Azərbaycan kapitanı, Vətən Müharibəsi Qəhrəmanı İsmayıl Səmədov 11 oktyabr 2020-ci ildə şəhidlıik zirvəsinə yüksəlib. 

Surxay Atakişiyev, Bizim.Media