Arayik Arutyunyan DİNDİRİLDİ

Hazırda oxunan: Arayik Arutyunyan DİNDİRİLDİ

158280

Qarabağda separatçıların keçmiş “prezidenti” Arayik Arutyunyan dindirilib. O, ötən gecə saxlanılaraq Bakıya gətirilib.

Bizim.Media “trend.az”a istinadən xəbər verir ki, onun vəkili təyin edilən Alov Səfərəliyev dindirilmədə iştirak edib.

“Bu gün Arayik Arutyunyanın müdafiəçisi kimi onun dindirilməsində iştirak etdim. Səhhəti və psixoloji durumu yerindədir. Təkcə onu deyə bilərəm ki, onun dedikləri bir çox məsələlərin açılmasına kömək olacaq. Müdafiəmizi Azərbaycan Respublikasının qanunvericiliyinə, Beynəlxalq konvensiyaların tələblərinə və vəkil etikasına uyğun olaraq quracağıq. Bir sözlə, peşə borcumuzu vicdanla yerinə yetirəcəyik!”, - deyə vəkil bildirib.
Qeyd edək ki, Qarabağdakı separatçıların keçmiş “prezident”ləri Arkadi Qukasyan (1997-2007) və Bako Saakyan (2007-2020), “Daşnaksutyun” partiyasının “Qarabağ təmsilçisi” və separatçı rejimin keçmiş parlament sədri David İşxanyan törətdikləri cinayət əməllərinə görə barələrində aparılan cinayət işləri üzrə Azərbaycan Respublikası Dövlət Təhlükəsizliyi Xidməti tərəfindən Bakıya gətirilib.

Bizim.Media