Axşam saatlarında Balakən şəhər ərazisində 10 yaşlı uşağı maşın vurub.
Bizim.Media-nın yerli bürosu xəbər verir ki, hadisə Balakən şəhəri Rafiq Səmədov küçəsində qeydə alınıb.
Belə ki, rayon sakini Nurullah Dibirov idarə etdiyi “QAZ-31” markalı minik avtomobili ilə yolun kənarında hərəkətdə olan 10 yaşlı Rail Nağıyevi vurub. Qəza zamanı müxtəlif dərəcəli ağır bədən xəsarətləri alan Rail sürücünün və hadisə şahidlərinin köməyi ilə Balakən Rayon Mərkəzi Xəstəxanasına çatdırılıb.
10 yaşlı uşaq müayinədən keçirilib, müalicələrə cəlb olunub. Rayon Mərkəzi Xəstəxanasından verilən məlumata əsasən, Rail Nağıyev Reanimasiya şöbəsinə yerləşdirilib. Hazırda vəziyyəti ağır olaraq qiymətləndirilir. Qəzanın təfərrüatları rayon Polis Şöbəsində araşdırılır.
Tural Rasim oğlu, Bizim.Media, şimal-qərb bürosu
- A-
- A
- A+
Cəmiyyət
10:50 / 12.09.2023
Balakəndə 10 yaşlı uşağı maşın VURDU
Hazırda oxunan: Balakəndə 10 yaşlı uşağı maşın VURDU
Hazırda oxunan: Balakəndə 10 yaşlı uşağı maşın VURDU
154766
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
