Sentyabrın 2-si gündüz şimal və qərb rayonlarından başlayaraq 4-ü səhərədək bəzi yerlərdə arabir leysan xarakterli yağış yağacağı, şimşək çaxacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Xidmətindən Bizim.Media-ya verilən məlumata görə, ayrı-ayrı yerlərdə, xüsusən də, Balakən-Şəki, Quba-Qusar, Dağlıq Şirvanda, Mərkəzi Aran, Qazax-Gəncə, Qarabağ və Şərqi-Zəngəzur zonasında yağıntıların intensiv və güclü olacağı ehtimalı var.
Şərq küləyi əsəcək, bəzi yerlərdə arabir 20-25 metr/saniyəyədək güclənəcək.
Çaylarda sululuğun artacağı, Balakən-Şəki bölgəsinin ərazisindən axan Katexçay, Şinçay, Kürmükçay, Oğuz-Qəbələ bölgəsinin Göyçay, Girdimançay, Quba-Qusar bölgəsinin Vəlvələçay, Qaraçay, Daşkəsən-Gədəbəy və Gəncə-Qazax bölgəsinin Əsrikçay, Gəncəçay, Qabırrıçay, Qarabağ və Şərqi Zəngəzur bölgəsinin Gorançay, Quruçay, Köndələnçay çaylarından qısamüddətli daşqın və sel keçəcəyi ehtimal olunur.
Bizim.Media
- A-
- A
- A+
Cəmiyyət
00:09 / 01.09.2023
Leysan yağacaq, çaylarda sel və daşqın olacaq - XƏBƏRDARLIQ
Hazırda oxunan: Leysan yağacaq, çaylarda sel və daşqın olacaq - XƏBƏRDARLIQ
Hazırda oxunan: Leysan yağacaq, çaylarda sel və daşqın olacaq - XƏBƏRDARLIQ
153126
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
