Güclü küləklə bağlı gəmilərə XƏBƏRDARLIQ  

Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyi bu gündən Xəzər dəniz akvatoriyasında müşahidə olunacaq Şimal-Qərb küləyi ilə bağlı gəmilərə xəbərdarlıq edib. 

Bizim.Media xəbər verir ki, bu barədə Agentlikdən məlumat verilib. 

Məlumatda deyilir ki, iyulun 29-dan Xəzər dənizi akvatoriyasında başlayacaq külək iyulun 30-u səhər saatlarına kimi davam edəcək. 

Həmin günlər ərzində şimal-qərb küləyinin 18-23 m/s, arabir 25-28 m/s, açıq dənizə isə 30-32 m/s-dək güclənəcəyi gözlənilir. 

Dalğanın hündürlüyü 2-3 m, sonrakı inkişafda 3,5-5,5 m-ə çatacağı proqnozlaşdırılır. 

Bizim.Media