Aşura günündə qanvermə aksiyalarının keçiriləcəyi ünvanlar AÇIQLANDI  

Aşura günündə qanvermə aksiyalarının keçiriləcəyi ünvanlar açıqlanıb. 

Bizim.Media xəbər verir ki, bu barədə Qafqaz Müsəlmanları İdarəsi (QMİ) məlumat yayıb. 

Bildirilib ki, bu il Məhərrəm ayının Aşura günündə qanvermə aksiyalarının keçiriləcəyi ünvanlar belədir: 

Bakı şəhəri üzrə: 

Xəzər rayonu, Mirmövsüm Ağa Ziyarətgahı 

Nəsimi rayonu, Göy məscidin (Əjdərbəy) mərasim zalı 

Nizami rayonu, Şah Abbas məscidi 

Səbail rayonu, Bibiheybət məscid ziyarətgahı 

Suraxanı rayonu, Qaraçuxur məscidi 

Yasamal rayonu, Təzə Pir məscidi 

Yasamal rayonu, Hacı Soltanəli məscidi 

Binəqədi rayonu, İmam Əli məscidi. 

Həmçinin, Mərkəzi Qan Bankının Gəncə, Lənkəran, Sumqayıt, Mingəçevir, Şəki, Şirvan, Bərdə və Quba bölmələrində də qanvermə aksiyaları təşkil olunacaq. 

Ümumilikdə, qanvermə aksiyaları 8 məscid və ziyarətgahda, habelə 8 səhiyyə müəssisəsində həyata keçiriləcək. 

"Son illər məhərrəmlik dönəmində QMİ-nin təşəbbüsü ilə gerçəkləşən və xalqımız tərəfindən təqdir edilən tibbi ehtiyaclar üçün Kərbəla şəhidlərinin xatirəsinə qan verilməsi ən münasib əzadarlıq nümunələrindən biridir.

Ümidvarıq ki, inşallah, dindarlarımız bu il də humanist ənənəni davam etdirərək, göstərilən ünvanlarda ehsan niyyəti ilə qan verəcək, minlərlə xəstə insana, irsi xəstəliklərdən əziyyət çəkən uşaqlara İmam Hüseyn (ə) xatirinə həyat bəxş edəcəklər", - QMİ-nin açıqlamasında bildirilib. 
Qeyd edək ki, bu il Miladi təqvimlə iyulun 19-u Məhərrəm ayının ilk günüdür. İyulun 28-də isə Aşuradır. 

Bizim.Media