“İşğal olunan ərazilərdə 2625 daşınmaz tarixi abidə qeydiyyata alınıb. Onlardan 706-sı dövlət tərəfindən mühafizə olunur. Bunlardan 11-i beynəlxalq əhəmiyyət daşıyır”.
Bizim.Media xəbər verir ki, mədəniyyət nazirinin birinci müavini Anar Kərimov ADA Universitetində keçirilən tədbirdə çıxışı zamanı bu barədə bildirib.
Onun sözlərinə görə, abidələrdən 240-ı ölkə əhəmiyyətlidir:
“455-i isə lokal əhəmiyyət kəsb edir. Ermənistan silahlı qüvvələri tərəfindən işğal altında olan ərazilərdə tarixi abidələrin dağıdılmasının səbəbi əsrlərdir orada yaşamış azərbaycanlıların izlərini itirməkdir”.
A.Kərimov qeyd edib ki, Rusiya imperiyasının arxivlərindəki sənədlərə görə 18-ci əsrdə İrəvan xanlığı ərazisində 300-ə yaxın məscid olub:
“Yalnız onlardan biri qalıb. Digər məscidlərin taleyi naməlumdur. Onlar mədəni təmizləmə siyasəti həyata keçiriblər”.
Bizim.Media
