Xəbər verdiyimiz kimi, Prezident İlham Əliyevin bu gün imzaladığı sərəncamla Ceyhun Əkbər oğlu Həsənov Azərbaycan Respublikası ədliyyə nazirinin müavini - Penitensiar xidmətin rəisi vəzifəsindən azad edilib.
Prezidentin imzaladığı digər sərəncamla Mirsaleh Miradil oğlu Seyidov ədliyyə nazirinin müavini - Penitensiar xidmətin rəisi təyin edilib.
Bizim.Media xəbər verir ki, M.Seyidov 2011-ci ilədək 15 saylı Cəzaçəkmə Müəssisəsinin rəisi olub.
Həmin ilin iyulunda isə o, 10 saylı Cəzaçəkmə Müəssisəsinin rəisi vəzifəsinə təyinat alıb.
Mirsaleh Seyidov sonrakı illərdə Penitensiar xidmətin Əməliyyat-rejim idarəsinin rəisi vəzifəsini icra edib. O, 2016-cı ilin 13 oktyabrında bu vəzifəyə təyin olunub.
MÖVZU İLƏ BAĞLI:
Mirsaleh Seyidov Penitensiar xidmətə yeni rəis təyin EDİLDİ
M.Seyidov rütbəcə ədliyyə polkovnikidir.
O, 2018-ci ildə Prezident İlham Əliyevin sərəncamı ilə “Dövlət qulluğunda fərqlənməyə görə” medalı ilə təltif olunub.
Bizim.Media
