Kürdəmirdə “Mercedes”lə “VAZ” toqquşdu - Xəsarət alanlar var - FOTO 

Kürdəmirdə xəsarətlə nəticələnən yol-nəqliyyat hadisəsi baş verib. 

Bizim.Media-nın Aran bürosu xəbər verir ki, hadisə Ağsu-Kürdəmir-İmişli yolunun rayonun Sor-Sor kəndi ərazisindən keçən hissəsində qeydə alınıb. 

Bekə ki, “Mercedes” markalı minik maşını həmin yolda hərəkətdə olarkən dönmə əməliyyatı edib. Bu zaman onunla eyni istiqamətdə hərəkət edən “VAZ 2107” markalı avtomaşın arxadan ona çırpılıb. 
Nəticədə avtomobillərdən biri yolun sağına, digəri isə soluna aşıb. Hadisə zamanı “VAZ”da olan İmişli rayon sakinləri, 55 yaşlı Abbasov Adəm İxtiyar oğlu və 1968-ci il təvəllüdlü Abbasova Lalə Hadis qızı, eləcə də “Mercedes”də olan sürücü Kürdəmir rayon sakini 24 yaşlı Qurbanov Yusif Tərlan oğlu müxtəlif dərəcəli bədən xəsarətləri alaraq Kürdəmir rayon Mərkəzi Xəstəxanasına aparılıb və həkim nəzarətinə götürülüblər. 

Hazırda faktla bağlı araşdırma aparılır.  






Bizim.Media, Aran bürosu