Xəbər verdiyimiz kimi milli-azadlıq hərəkatının liderlərindən olan, hərəkat dövründə yaradılan “Çənlibel”x9d təşkilatının qurucusu Məhəmməd Hatəmi Tantekin bu gün 81 yaşında dünyasını dəyişib.
Hazırda mərhumla Naxçıvanski küçəsi 56 ünvanında, onun yaşadığı evdə vida mərasimi keçirilir. M. Hatemi vida mərasimindən sonra Bülbülə kənd qəbiristanlığında, valideynlərinin yanında dəfn ediləcək.
Qeyd edək ki, Məhəmməd Hatəmi Tantəkin milli-azadlıq mübarizəsinin ilk təşkilatlarından olan "Çənlibel" Cəmiyyətinin qurucuları sırasında yer alıb. 1988-ci il noyabrın 17-də keçmiş Lenin, indiki Azadlıq meydanında başlanan ümumxalq mitinqlərinin təşkilatçılarından biri olub. 1988-ci il dekabrın 4-də sovet qoşunları meydanı dağıtdıqdan sonra həbs edilib.
M.Hatəmi 90-cı illərdə Milli Qurtuluş Partiyasını təsis edib. Qarabağ cəbhəsində "Milli Qurtuluş" batalyonunun tərkibində döyüşlərdə olub.(musavat.com)
