"Azıx mağarasında tədqiqat işlərinin aparılması üçün işçi qrup yaradılıb".
Bizim.Media xəbər verir ki, bunu Azərbaycan Milli Elmlər Akademiyasının Arxeologiya, Etnoqrafiya və Antropologiya İnstitutunun baş direktoru, professor Abbas Seyidov jurnalistlərə açıqlamasında deyib.
O bildirib ki, artıq ekspedisiyanın tərkibi hazırdır və beynəlxalq ekspertlərlə də danışıqlar aparılıb:
"15 gün müddətində ekspedisiya qrupu bir araya gələcək və Azıx mağarasında tədqiqatların aparılmasına başlanılacaq. Azıx mağarasından nümunələr götürüləcək və onlar analiz ediləcək.
Oradakı 10 təbəqənin yaşını müasir dövrün çağırışlarına uyğun şəkildə təqdim etmək lazımdır. Ona görə də ekspedisiya ora gedən zaman arxeoloji qazıntı aparmayacaq. Bundan başqa, Tağlar mağarasında da tədqiqatlar aparılacaq".
Bizim.Media
