Tovuzda itkin düşüb Xaçmazda tapılan 13 yaşlı məktəbli ilə bağlı Daxili İşlər Nazirliyi açıqlama yayıb.
DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov Bizim.Media-ya açıqlamasında bildirib ki, Tovuz rayon sakini Ə. Tağıyevanın Xaçmaz rayonuna ailə qurmaq məqsədilə ilə qaçması ilə əlaqədar S. Kavazov barəsində cinayət işi başlanılıb. Araşdırmalar davam etdirilir.
MÖVZU İLƏ BAĞLI:
13 yaşlı qızı qaçıran şəxs 3 uşaq atası imiş – VİDEO
Qeyd edək ki, qızı qaçırmaqda şübhəli bilinən Xudat şəhər sakini Səfər Kavazovun 40-dan çox yaşı var və ailəlidir.
Üç övladı olan S.Kavazov Xudat Şəhər Xəstəxanasında mühafizəçi kimi çalışır.
Xatırladaq ki, Tovuz rayon Aşağı Quşçu kənd sakini, 2010-cu il təvəllüdlü Əfsanə Tağıyeva may ayının 18-də yaşadığı evi tərk edib. Daxili İşlər Nazirliyinin əməkdaşları tərəfindən keçirilən operativ əməliyyatlar nəticəsində Ə.Tağıyevanın yeri müəyyən edilib.
Alçina Amilqızı, Bizim.Media
