505 müəllim təlimlərdə iştirakdan imtina etdi - Bu səbəbə...

“Ötən il sertifikatlaşdırmadan keçən müəllimlərin 78 faizi uğur qazanıb. Həmin sertifikasiya imtahanında təqribən 11 mindən çox müəllim iştirak edib”. 

Bizim.Media xəbər verir ki, bunu Təhsil İnstitutunun direktoru Rüfət Əzizov bildirib. 

Onun sözlərinə görə, ötən il sertifikasiya imtahanında iştirak edən 2803 nəfər, yəni sertifikasiyada iştirak edən müəllimlərin 22 faizi I mərhələdə uğursuz nəticə göstəriblər: 

“Həmin müəllimlərlə genişmiqyaslı təlimlərə start verilib. Bu təlimlər ibtidai sinif üzrə Azərbaycan dili və riyaziyyat fənni üzrə olub və ixtisasartırma təlimi formasında olub. Təlimlər 3 ay olub.

Birinci sertifikasiya imtahanında uğursuz nəticə göstərən 2803 müəllimdən 2180-i, yəni 77 faizi təlimlərdə iştirak edib. 505 müəllim ərizə yazaraq təlimlərdən imtina edib. 32 müəllim isə işdən çıxıb və ya vəfat edib”. 
Təlimlərdə iştirak etməyən müəllimlər də eyni qaydada sertifikasiya imtahanında iştirak edəcəklər. Eyni zamanda, yaxın zamanlarda sertifikasiya ilə bağlı sınaq imtahanları da keçiriləcək. 

Bizim.Media