Oğuzun bu kəndində sakinlər su qıtlığı ilə üz-üzə qalıb - FOTO

İki min əhalisi olan Oğuzun Bucaq kəndinə bir neçə il öncə uzaq məsafədən su xətləri çəkilsə də hazırda acınacaqlı vəziyyət yaranıb. 

Bizim.Media-nın yerli bürosu kənd sakinlərinə istinadən bildirir ki, illər əvvəl yeni xəttin çəkilməsinə, kəndin su ilə təmin olunmasına  yerli camaat çox sevinə bilməyib.  Bir sözlə, sakinlərin sevinci uzun çəkməyib. 

Suyu görüb aydınlığa çıxdıqlarını düşünən sakinlər, qısa zamandan sonra yenidən quraqlığa qərq olublar.

Qarşıdan isti yay aylarının gəlişi sakinləri indidən narahat edir. Məsələ ilə bağlı "Azərsu" ASC-dən bildirildi ki,  problemin həlli istiqamətində yaxın zamanlarda işlərə başlanılacaq. 








Tural Rasim oğlu, Bizim.Media, Şimal-Qərb bürosu